Nú höfum við verið í heila viku og gott betur í sveitinni ... þvílík sæla!

Allt á fullu við að koma sér vel fyrir í Kotinu okkar góða.  Mikil vinna hefur verið við frágang á lögnum, rotþrónni, tyrfa allt vel og vandlega. Vatnið, klósettið, sturtan, uppþvottavélin og allt er farið að virka svo vel að við þurfum bara að fá okkur þvottavél þá þurfum við ekkert að koma til Reykjavíkur ... nema til að vinna.

Margir góðir gestir hafa komið til okkar í sveitina og er það nú aldeilis frábært!

Nú er komin BRÚ yfir Fögruvallafljótið (Tjarnarlækurinn) og fengum við stóra gröfu til verksins.
Planið er að efna til "Brúarslags" um Verslunarmannahelgina, sá vinnur sem getur hent flestum út í lækinn :)

Mikið hefur verið riðið út í sveitinni og einnig fóru nokkur í sundreið! Veðrið hefur verið alveg frábært og mjög gaman að njóta sveitadvalarinnar á hestbaki. Best þykir okkur þó að fara á hestbak á kvöldin því kvöldin eru svo falleg í sveitinni :)

Allir eru velkomnir í heimsókn, hægt er að tjalda og eitt herbergi er aukalega fyrir gesti, fyrstur kemur fyrstur fær..... nema að panta fyrirfram :)

Heyrumst hress og kát - hlakka til að hitta ykkur sem flest í sveitinni :)
 

Sumarið okkar byrjaði 2.júlí ....Mikil gleði og mikið fjör!  Kotið var flutt á Fögruvelli á fimmtudag og gekk það vonum framar.
Við vorum svo heppin að okkur bárust hjálparhendur óvænt og kom það sér mjög vel. Feðgarnir á Tanganum, Dóri rakari og synir, komu eins og kallaðir og aðstoðuðu. Svo komu Nína og Sæmi eins og sending að himnum ofan og hjálpuðu til fram eftir kvöldi.

Mikill gestagangur var alla helgina, alltaf gaman að fá gesti og hitta skemmtilegt fólk!

Nágrannar okkar komu ríðandi og bílandi á föstudagskvöldinu og skoðuðu nýja Kotið okkar.

Fjölskyldan og vinir komu og skoðuðu og leist vel á :) 

Við verðum í sveitinni allar helgar í sumar fram á haust og eruð þið velkomin í heimsókn :)

Nú stendur Íslandsmótið sem hæst og Rakel keppir þar í barnaflokki að sjálfssögðu!

Hún byrjaði í gær á Freyju frá Brekkum (ræktunarmerinni hans Jóns) og gekk sýningin mjög vel NEMA að þegar hún var að klára sýningu þá stökk merin út AF vellinum! Alveg hreint ótrúlegt að merin skyldi taka upp á slíku öllum að óvörum! úff og þar með var hún úr leik í fjórgangi!

En í dag þá var keppt í tölti og fór hún á Spyrnu merinni sinni. Það gekk alveg ljómandi vel og komst hún í B-úrslit. Það er mikil gleði að komast í úrslit með 5,77 í einkunn því í dag þá hafa bæði hestar og knapar bætt sig svo í hæfileikum að þetta fer að verða mjög hörð keppni!

Á laugardag þá keppir hún bæði í 5.gangi á Spyrnu og einnig fer hún í B-úrslit í tölti. Það verður spennadi að fylgjast með því!
 
Við verðum sennilega í bænum fram á laugardags eftirmiðdag og skellum okkur jafnvel í sveitina til að ná Klofarokkinu!! og einnig til að vinna að undirbúningi fyrir Kreppukotið .... það verður flutt von bráðar í sveitina! Danni verður heima að passa húsið :)

okkur hlakkar öllum svo svakalega mikið til ... að við getum varla beðið :)

Nú miðar vinnu og smíðum við Kreppukotinu mjög vel og er búið að mála, parketleggja og verið að undirbúa úti málningavinnu :)  Allt verður þetta mjög fínt hjá okkur.

Í húsinu verða 3 herbergi þannig að þegar fólk kemur í heimsókn þá er hægt að gista, þar sem hægt er að fá 1 herbergi lánað.

Svo er stefnan að flytja það eftir 2 vikur þegar mest öll vinnan er búin inni og að einnig að mála það að utan. Svo stefnum við á að setja hallandi þak á það í  haust ásamt því að klæða það að utan. En það bíður fram á haustið :)

Okkur hlakkar alveg svakalega til að fá hús i sveitina og verður mikil gleði þegar fyrsta nóttin verður að veruleika í húsinu :)

ég setti inn nýjar myndir ... endilega skoðið :)